Bkpo eh?

Hati ni rasa macam keno kekoh sket sket. Tapi bakpo? Sedih sapa air mata pon x se tubik langsung. Aku tahu aku pernah buat salah ko dio dulu, tapi tu dulu dan aku sokmo duk beki diri aku biar jadi sempurna. Tapi perlu ko aku buleh layanan lagu ni? Aku ni manusia, srupo jah nge dio..ado hati, ado perasaan, tok kea dio tok leh fikir gapo aku raso kalu dio buat lagu ni? Ko dio nak balas dendam?

Memey, kalu dio tok cayo ko aku, aku pon ado raso curiga ko dio. Adat la, mugo jauh ken. Tapi aku tak dok la sapa hati nok buat gini ko dio. Sekurang kurangnye oyak ko aku, gapo saloh besar hok aku buat ko dio sapa dio nok wat tok tahu jah ko aku. Srupo aku ni tok wujud langsung. Walau pun kadang kadang mari mikir mace mace pasal dio, aku tolak jauh jauh perasaan tu. Aku tok sir mikir negative sangat sapa serabut palo otok.

Hari ni, aku buleh tahu so bendo hok lamo doh. Tapi buat aku betul betul sakit hati. Aku tok tahu bakpo dio susuk bendo tu. Aku rajin tanyo dio dulu pasal ni. Tok tau la nok kato gapo. Mungkin aku tok sepatutnyo tahu. Tak dok la aku raso hati aku pecah berderai lagu ni. Tok tahu la gapo hok aku tau tu betul mace hok aku pikir. Sebab ado something wrong dengan budak tu. Pelik. Memey pelik.

Betul kalu dio nok kato gapo hok dio buat tu tok samo nge gapo hok aku buat ko dio. Tapi, serupo je lah. Tak dok beza. Dio hok selamo ni macam tak dok buat saloh gapo satu. Duk napok saloh aku jah, ruponyo samo jah.  Tapi tak po lah. Bendo jadi doh pon. Aku maaf blako saloh dio tu.

Maaf la, hati ni po keno jijok jijok gitu.