My Mummy My Everything

Redup matamu mendamaikan jiwa,
Merdu suaramu membuai rasa,
Kasih sayang abadi selamanya,
Tiada ganti,
Tiada berbelah bahagi.

Senok mato nok jerik tengok mi supo nok tubik air mato. Mu ni meme tok reti bahaso ko? Aku gak lemoh laluh maen nge ore peranga tok comey. Mu tau dop mu wat mi sero hati? Mu tau dop mu wat mi sedih? Serabut perut la aku gak. Nok tegur mugo mu tuo pade aku. Nok ikot tolol mu jah ko? Tok mikir lasung perasae ore tuo. Anok jenis apo laa.

Buke skali, buke duo kali. Banyok kali doh aku perase, kecek nok mene mu sokmo. Kecek kasar, stail nyakit hati ore. Semo ore mu tengok tok molek. Hebat sangat ko mu ehh? Mu kaba dok mu kecek staro mano nge mi smale? Gere-gere aku nok napa. Tak doh aroh la.

Staro tolol aku pon, aku tok rajin kecek lagu tu nge mi. Aku saye ko dio. Aku dan lagi mikir perasae dio. Aku tok se dio sedih sebab aku. Dio tu ore tuo. Ore tuo kito. Maso dio ado ni la nok jago pon. Kalu dea tak dok baru nok nyesal la gapo la. Tak dok guno doh maso tu. Tak dok guno jerit tubik air mato daroh pon.

Maaf la. Tak dok tepat aku nok oyak bendo ni. Mari duk sekok sebok sore. Bakpo la nok wat ore tuo sero hati ko kito. Mikir la weyy. Tulun la mikir. Kalu mu ado masaloh sekalipon, jange lepah ko ore tuo. Lepah ko aku tak po. Aku buleh trimo, aku buleh tadoh. Bo la wat gini. Sedih sero.

:(